रोल्पामा चट्याङ लागेर एक बालकको मृत्यु
प्रकाशित मिति : 29 April, 2021 8:25 pm
जुनिसकुमार विष्ट-
रोल्पा । रोल्पामा चट्याङ लागेर एक बालकको मृत्यु भएको छ ।
आज दिउँसो साढे तीन बजेतिर परेको चट्याङ लागेर सुनछहरी गाउँपालिका-७ जेलबाङका ३ कक्षामा अध्ययनरत ९ वर्षीय बालक अभिषेक पुनमगरको मृत्यु भएको हो । पुनमगरको घटनास्थलमै मृत्युभएको थियो ।
गाउँपालिकाको कार्यालय पोबाङबाट पोषणभत्ता लिएर अभिभावकसहित पुन घरफर्किरहेका बेला चट्याङले हानेको थियो । चट्याङ लागेर अरु पनि घाइते भएका छन् ।
घाइतेभएकाहरुको अवस्था अहिले सामान्य रहेको सुनछहरी गाउँपालिकाका अध्यक्ष आसबहादुर पुनले जानकारी दिए ।
