लुम्बिनी प्रदेशमा एमालेका अर्का सांसदले पनि दिए राजीनामा
प्रकाशित मिति : 5 May, 2021 2:58 pm
रुपन्देही । लुम्बिनी प्रदेशमा नेकपा एमालेका सांसद अमरबहादुर डाँगीले पदबाट राजीनामा लिएका छन् ।
दाङको निर्वाचन क्षेत्र नं. २ (ख) बाट लुम्बिनी प्रदेशसभा सदस्यमा निर्वाचित भएका डाँगीले आज राजीनामा दिएका हुन् ।
प्रदेश सभा सचिवालयले डाँगीले राजीनामा बुझाएको पुष्टि गरेको छ ।
लुम्बिनीमा सरकार परिवर्तनको चलखेल भएपछि डाँगीले माओवादी केन्द्रलाई साथ दिएका थिए । उनी माधव नेपाल पक्षका सांसदका रुपमा चिनिन्थे ।
यसअघि नेकपा एमालेकै दृर्ग नारायण पाण्डेले पनि पदबाट राजीनामा लिएका थिए ।
