कोरोना भाइरस विरुद्वको खोप बौद्धिक सम्पतिको क्षेत्राधिकार बाहिर राख्न अमेरिका सहमत
काठमाडौं । कोरोना भाइरस विरुद्वको खोपलाई बौद्धिक सम्पतिको क्षेत्राधिकार बाहिर राख्ने विश्व व्यापार संगठनको पहलमा अमेरिकाले समर्थन जनाएको छ ।
समाचार संस्था रोयटर्सका अनुसार अमेरिकी राष्ट्रपति जो बाइडनले डेमोक्रेटिक सांसद तथा १ सय भन्दा बढी देशको दबावपछि अस्थायी रुपमा समर्थन जनाएका हुन् । तर खोप कम्पनीहरू भने यो निर्णयबाट असन्तुष्ट छन् ।
भारत तथा दक्षिण अफ्रिका लगायतका मुलुकले कोरोना खोपलाई बौद्धिक सम्पतिको क्षेत्राधिकार भन्दा बाहिर राख्नुपर्ने प्रस्ताव गर्दै यसले दुनियाँभर खोप उत्पादनमा तिब्रता आउने तर्क गरेका थिए ।
तर खोप निर्माता कम्पनीले भने यस विषयमा फरक तर्क गरेका छन् । उनीहरुको तर्क छ कि खोपलाई बौद्धिक सम्पतिको अधिकारभन्दा बाहिर राखेपनि अन्य उत्पादनकर्तासँग यसबारे प्रविधि छैन ।
विश्व स्वास्थ्य संगठनका प्रमुख डाक्टर टेड्रास गेब्रेयासिसले भनेका छन् कि राष्ट्रपति बाइडनको या समर्थन मर्थन कोभिड–१९ विरुद्धको लडाइँमा ‘ऐतिहासिक क्षण’ हो ।
अमेरिकी व्यापार प्रतिनिधि कैथरीन ताईका अनुसार भने विश्व व्यापार संगठनका सदस्यहरुबीच यसबारेमा सहमतिका लागि समय लाग्ने छ ।
