बुटवल अटो इन्जिनियरिङ एसोसिएसनद्वारा बुटवल उपमहानगरपालिकालाई अक्सिजन सहयोग
प्रकाशित मिति : 6 May, 2021 4:39 pm
रुपन्देही । बुटवल अटो इन्जिनियरिङ एसोसिएसनले बुटवल उपमहानगरपालिकाको अक्सिजन बैंकलाई सिलिण्डर प्रदान गरेको छ ।
मैनाबगर क्षेत्रमा रहेका व्यवसायीहरूबाट संकलित अक्सिजन सिलिन्डर आज उपमहानगरपालिकालाई हस्तान्तरण गरिएको एसोसियसनका अध्यक्ष बाबुरलाल पाण्डेले जानकारी दिए ।
उनले भरिएका १४ र खाली २२ थान सिलिन्डर उपमहानगर प्रमुख शिवराज सुवेदीको उपस्थितिमा एसोसिएसनका अध्यक्ष बाबुलाल पाण्डेले बुटवलका प्रमुख प्रशासकीय अधिकृत शिवप्रसाद रेग्मीलाई हस्तान्तरण गरेका हुन् ।
हस्तान्तरण कार्यक्रममा प्रमुख सुवेदीले जनस्वास्थ्यको संवेदनशील विषयमा सहकार्य गरेको भन्दै आभार प्रकट गरेका छन् ।
बुटवल उपमहानगरपालिकाले अक्सिजनको अभाव हुन नदिन अक्सिजन बैंक सञ्चालनमा ल्याएको छ ।
