रोल्पाको सुनिलस्मृतिमा अक्सिजनसहित १५ बेडको आइसोलेसन सेन्टर निर्माण

रोल्पा । रोल्पाको सुनिलस्मृति गाउँपालिकाले अक्सिजनसहित १५ बेडको आइसोलेसन सेन्टर तयार गरेको छ ।

गाउँपालिकाले वडा नं. २ खुंग्रीमा रहेको त्रिपुरेश्वरी माध्यामिक विद्यालयमा आइसोलेसन सेन्टर निर्माण गरेको हो । आइसोलेसनको गाउँपालिका अध्यक्ष गुणेन्द्र घर्ती, वडा नं. २ का वडा अध्यक्ष नेत्र बहादुर गिरीले आइसोलेसनको अनुगमन तथा निरीक्षण गरेका छन् ।

अनुगमनपछि उक्त आइसोलेसन सेन्टरमा थप आवश्यक पर्ने सामाग्रीहरू तत्काल उपलब्ध गराउने समेत अध्यक्ष घर्तीले बताए । उनले आवश्यक सामाग्री तत्काल व्यवस्थापनका लागि गाउँपालिका स्वास्थ्य शाखालाई निर्देशन दिएका छन् ।

कोरोना भाइरस बढ्दै गएमा र बेडको अभाव भएमा थप व्यवस्था समेत गर्ने अध्यक्ष घर्तीले बताए ।