उदयपुरमा टिकटक बनाउने क्रममा भिरबाट लडेर १ जनाको मृत्यु
प्रकाशित मिति : 7 May, 2021 3:26 pm
उदयपुर । उदयपुरको कटारी नगरपालिका-११ हर्देनी भिरमाथि टिकटक बनाउने क्रममा लडेर १ जनाको मृत्यु भएको छ ।
धरानबाट ओखलढुङगा तर्फ जाँदै गरेको ना १ च ३३७० नम्बरको सुमो आज बिहान पौने १० बजे हर्देनी भीर माथी सडकमा बिग्रिएको र सोही सुमोमा सवार रहेका धरान-५ का १८ बर्षीय सुभास परियार सुमोबाट ओर्लिएर टिकटक बनाउने क्रममा भिरबाट लडेका थिए ।
लडेर गम्भीर घाईते भएकोमा परियारलाई उपचारको लागि कटारी अस्पताल लैजाने क्रममा बाटोमा नै मृत्यु भएको जिल्ला प्रहरी कार्यालय उदयपुरले जनाएको छ ।
