कोरोना संक्रमित निको हुने दर ७८.२ प्रतिशत,२४ घण्टामा २,९०५ जना संक्रमण मुक्त

काठमाडौं । नेपालमा कोरोना संक्रमित निको हुने दर ७८.२ प्रतिशत रहेको छ ।

स्वास्थ्य तथा जनसंख्या मन्त्रालयले सार्वजनिक गरेको पछिल्लो तथ्याङ्क अनुसार अहिलेसम्म ३,७७,६०३ जनामा कोरोना संक्रमणको पुष्टि भएको छ जस मध्य २,९५,३९५ निको भएका हुन् ।

संक्रमित मध्य ३,५७९ जनाको मृत्यु भएको छ । पछिल्लो २४ घण्टामा मात्रै २,९०५ जनाले कोराना जितेका छन् ।

पछिल्लो समय कोरोना निको हुने संख्या बढ्दै गएको छ । हिजो मात्रै २,७०७ जना कोरोनाबाट मुक्त भएका थिए । अस्ति १,९२३ जना संक्रमित निको भएका थिए । आज ९,१९६ जना कोरोना संक्रमित थपिदा झण्डै ३ हजार निको भएका हुन् ।