बाहिर बाट जाने कामदारलाई खोप अनिवार्य गर्दै साउदी सरकार
काठमाडौ । साउदी अरबले सबै कामदारलाई कोरोना खोप लिन अनिवार्य मापदण्ड बनाउन थालेको छ । मानव संसाधन तथा सामाजिक विकास मन्त्रालयले यस्तो जनाएको हो ।
सार्वजनिक, निजी वा गैरसरकारी कुनै पनि क्षेत्रमा काम गर्ने कामदारले कोरोना भाइरस खोप लिएर मात्र काममा फर्किने अनिवार्य सर्त बनाउन लागेको सो मन्त्रालयले ट्वीट गरी जनाएको छ ।
#وزارة_الموارد_البشرية_والتنمية_الاجتماعية تشترط الحصول على اللقاح للحضور إلى مقرات العمل. pic.twitter.com/LcgmRGzC66
— وزارة الموارد البشرية والتنمية الاجتماعية (@HRSD_SA) May 7, 2021
खोप लिन नाम लेखाउन भन्दै मन्त्रालयले थप मिति र प्रक्रियाका बारेमा जानकारी गराउने जनाएको छ । साउदी अरबको २९ प्रतिशत जनसंख्यालाई खोप दिन खोजेको यो योजना अन्तर्गत स्वास्थ्य मन्त्रालयले एक करोड भन्दा बढी कोरोनाभाइरस खोपको मात्रा दिने योजना बनाएको हो ।
दैनिक नयाँ सक्रमण १ हजार जति आइरेको देखिएको साउदी अरबमा अहिलेसम्म कुल संक्रमितको संख्या त्यहाँ ४ लाख २३ हजार नाघेको छ भने कोरोनाबाट मर्नेहरूको संख्या ७ हजार भन्दा बढी छ ।
