कुटपिटबाट १ जनाको मृत्यु
प्रकाशित मिति : 9 May, 2021 8:01 am
ओखलढुंगा । ओखलढुंगामा मादक पदार्थ सेवन गरि झगडा हुँदा १ जनाको मृत्यु भएको छ ।
मृत्यु हुनेमा ओखलढुङगा खजिदेम्बा गाउँपालिका १ आरुबोटका ६० वर्षीय महेश कुमार खड्का रहेका छन् ।
हिजो बेलुकी पौने ९ बजे सोही स्थान का ५० बर्षीय प्रेम वहादुर सुनुवार र खड्काबीच मादक पदार्थ सेवन गरी कुटाकुट हुँदा खड्काको घटनास्थलमानै मृत्यु भएको हो ।
सुनुवारले खड्काकै घरमा आएर कुटपिट गरेको जिल्ला प्रहरी कार्यालय ओखलढुंगाले जनाएको छ ।
सुनुवार समेत घाईते भएकाले स्थानीय क्लिनिकमा उपचार पश्चात ईलाका प्रहरी कार्यालय खिजीफलाटेको नियन्त्रणमा रहेको प्रहरीले जनाएको छ ।
