रोल्पामा थप २६ जनामा कोरोना संक्रमणको पुष्टि,सक्रिय संक्रमितको संख्या २ सय नाघ्यो

रोल्पा । रोल्पामा सक्रिय कोरोना संक्रमितको संख्या २ सय पार गरेको छ ।

जिल्ला प्रशासन कार्यालयको तथ्याङ्क अनुसार आज २६ जना संक्रमित थप भएसँगै कारोना संक्रमितको संख्या २ सय पार गरेको हो ।
सरकारले २ पहाडी जिल्लामा २ सयभन्दा बढी सक्रिय संक्रमित पुगे संवेदनशील मान्दै निषेधाज्ञा जारी गर्ने निर्णय गरेको छ ।

यद्यपी रोल्पामा भने यसअघि नै भित्रभित्रै कोरोना संक्रमित फैलिएको आशंका गर्दै निषेधाज्ञा जारी भइसकेको छ । कारोनाको दोस्रो लहर फैलिएसँगै अहिलेसम्म २ जना संक्रमितको मृत्यु भएको छ । ९ जना निको भएका छन् ।

संक्रमित मध्य होम आइसोलसनमा १८३ जना छन् भने जिल्ला अस्पतालको आइसोलेसनमा रहेका संक्रमितको संख्या ५ र जिल्ला भित्रका आइसोलेसनमा रहेका संक्रमितको संख्या १७ रहेको जिल्ला प्रशासन कार्यालय रोल्पाले जनाएको छ ।