नेकपा एमालेका नेता पशुपति चौलागाईंको निधन
प्रकाशित मिति : 11 May, 2021 10:31 pm
काठमाडौं । नेकपा एमालेका नेता पशुपति चौलागाईंको निधन भएको छ ।
एमालेमा पोलिटब्यूरो सदस्य समेत रहेका चौलागाईं कोरोना संक्रमित भएका थिए । उनको आज राति १० बजेतिर निधन भएको हो ।
बागमती प्रदेश सभा सदस्य चौलागाईं चार दिनअघि मनमोहन अस्पतालमा भर्ना भएका थिए । उनी दोलखाबाट दुई पटक प्रतिनिधि सभाको सांसद निर्वाचित भएका थिए ।
पछिल्लो पटक उनी नेकपा एमालेका माधव नेपाल पक्षका बागमती प्रदेशका सहसंयोजक तोकिइएका थिए ।
