कोरोना संक्रमित भएका वर्ल्डलिङ्कका सहसंस्थापक तथा निर्देशक जलानको मृत्यु
प्रकाशित मिति : 13 May, 2021 12:24 pm
काठमाडौं । इन्टरनेट सेवा प्रदायक कम्पनी वर्ल्डलिङ्कका सहसंस्थापक तथा निर्देशक विजय जलानको मृत्यु भएको छ ।
कोरोना संक्रमित जलानको उपचारका क्रममा आज बिहान निधन भएको हो । कोरोना संक्रमण पुष्टि भएका ४६ वर्षीय जलानको उपचारका क्रममा मेडिसिटी अस्पतालमा निधन भएको हो ।
वैशाख १५ गते कोरोना संक्रमणको पुष्टि भएका उनी गत १८ वैशाखमा अस्पताल भर्ना भएका थिए । उनका श्रीमतीको साथमा एक छोरा छन् ।
