अर्घाखाँचीमा जेठ १० सम्म निषेधाज्ञा थप्ने निर्णय
प्रकाशित मिति : 14 May, 2021 1:22 pm
अर्घाखाँची । अर्घाखाँचीमा जेठ १० सम्म निषेधाज्ञा थप्ने निर्णय भएको छ ।
आज बसेको जिल्ला कोभिड १९ संकट व्यवस्थापन केन्द्र(डिसिसिएमसी)को बैठकले निषेधाज्ञा थप्ने निर्णय गरको हो । कोरोनाको दोस्रो लहर सुरु भएछि अर्घाखाँचीमा वैशाख २० देखि ३१ गतेसम्म निषेधाज्ञा लागु गरिएको थियो ।
तर संक्रमण कम नभएपछि डिसिसिएमसीले निषेधाज्ञा थप गर्नुपर्ने निष्कर्ष निकालेको हो ।
थपिएको निषेधाज्ञा जेठ १० गते राति १२ बजेसम्म कायम हुने छ । बैठकले अत्यावश्यक काम बाहेक बाहिर ननिस्कन तथा कोरोनाको लक्षणको आशंका भएमा स्वास्थ केन्द्र जान सबैमा अनुरोध गरेको छ ।
