काठमाडौं महानगरपालिकाभित्रका विद्यालयले आउँदो जेठ २० गतेसम्म परीक्षा लिइसक्नुपर्ने
प्रकाशित मिति : 16 May, 2021 6:03 pm
काठमाडौं । काठमाडौं महानगरपालिकाभित्रका विद्यालयले आउँदो जेठ २० गतेसम्म परीक्षा लिइसक्नुपर्ने भएको छ ।
महानगरपालिकाको शिक्षा विभागले विज्ञप्ति निकालेर जेठ २० गतेसम्म परीक्षा लिएर जेठ मसान्तसम्ममा नतिजा प्रकाशन गरिसक्न निर्देशन दिएको हो । असारको पहिलो हप्ताबाट कक्षा सञ्चालन गर्ने व्यवस्था मिलाउनसमेत महानगरपालिकाले निर्देशन दिएको छ ।
महानगरको शिक्षा विभागका शिक्षा अधिकारी रामप्रसाद सुवेदीले विज्ञप्ति जारी गर्दै कक्षा ८ को नगरस्तरीय परीक्षाबारे भने यथाशिघ्र सूचना गरिने बताएका छन् ।
अनलाइन र अफलाइन एवम् टेलिफोन, मेलमार्फत प्रश्न पठाएर लगायत विधि अपनाएर विद्यालय अनुकूल हुने गरी परीक्षा सञ्चालन गर्नुपर्ने महानगरपालिकाले निकालेको विज्ञप्तिमा उल्लेख छ ।
