गण्डकी प्रदेशमा ८५९ जना कोरोना संक्रमित थपिए,२४ जनाको मृत्यु

काठमाडौं । गण्डकी प्रदेश ८५९ जना कोरोना संक्रमित थपिएका छन् ।

स्वास्थ्य निर्देशनालय गण्डकी प्रदेशले सार्वजनिक गरेको २३ घण्टाको तथ्याङ्क अनुसार ४०४ महिला र ४५५ जना कोरोना संक्रमित पुरुष थपिएका हुन् ।

संक्रमित मध्य कास्कीका मात्रै ४०८ जना छन् । नवलपरासी पूर्वमा १४२,म्याग्दीमा ८४, लमजुङमा ७९, बागलुङमा ६२, स्याङ्जामा ३५ जना संक्रमित थपिएका छन् ।

त्यस्तै पर्वतमा २१,तनहुँमा २३,मनाङमा ५ मा थप कोरोना संक्रमित भेटिएका छन् । मुस्ताङमा र गोरखामा भने पछिल्लो २४ घण्टामा कुनै संक्रमित भेटिएका छैनन् ।

२४ घण्टामा २४ जनाको मृत्यु भएको छ । मृतक मध्ये कास्कीका ९, स्याङ्जाका ५, पर्वतमा ३ जना रहेका छन् । त्यस्तै म्याग्दी, गोरखा, लमजुङ, बागलुङ र नवलपरासी पूर्वमा १/१ जनाको मृत्यु भएको स्वास्थ्य निर्देशनालय गण्डकी प्रदेशले जनाएको छ ।