याक ब्रिविङ्ग कम्पनीद्वारा अक्सिजन कन्सन्ट्रेटर हस्तान्तरण

काठमाडौं । याक ब्रिविङ्ग कम्पनीले चितवनको इच्छामनकामना गाउँपालिकामा रहेको मुग्लिन हाइवे अस्पताललाई २ वटा र सशस्त्र प्रहरी बल कुरिनटारलाई २ वटा अक्सिजन कन्सन्ट्रेटर उपलब्ध गराएको छ ।

कम्पनीले आज अक्सिजन कन्सन्ट्रेटर हस्तान्तरण गरेको हो । कम्पनीले यसले कोभिड १९ लागेका बिरामीलाई बचाउन सहयोग गर्ने विश्वास लिएको बताएको छ ।

अस्पतालले सञ्चालनमा ल्याएको कोभिड बिमारी लक्षित आइसोलेसन वार्डको सञ्चालन तथा व्यवस्थापनका ल‌ागि याक ब्रिविङ कम्पनीबाट ३ लाख रुपैयाँ बराबरको २ थान अक्सिजन कन्सन्ट्रेटर मेसिन उपलब्ध गराइएको अस्पतालले बताएको छ ।

सामाजिक उत्तरदायित्वअन्तर्गत यसअघि पनि विभिन्न क्षेत्रमा सहयोग गर्दै आएको प्रशासन प्रमुख माधव पौडेलले जानकारी दिए ।