मकवानपुरमा १ क्विन्टल गाँजासहित ३ जना पक्राउ
मकवानपुर । मकवानपुरमा प्रहरीले १ क्विन्टल गाँजासहित ३ जनालाई पक्राउ गरेको छ ।
जिल्ला प्रहरी कार्यालय मकवानपुरबाट खटिएको विशेष टोलीले हेटौंडा उपमहानगरपालिका वडा नं. १ को त्रिभुवन राजपथ स्थित सडक खण्डको नामटारमा गाँजा बरामद गरेको हो ।
नामटारबाट हेटौडातर्फ आउँदै गरेको ना २ ख ९८६२ नं. को ट्रकलाई रोकी चेकजाँच गर्दा उक्त ट्रकको क्याभिनको भागको हुटमा फल्स बटम बनाई लुकाएको अवस्थामा १७ वटा पोकामा राखिएको १ क्विन्टल गाँजा पक्राउ गरिएको जिल्ला प्रहरी कार्यालय मकवानपुरले जनाएको छ ।
गाँजासँगै ट्रक चालक काभ्रेपलाञ्चोक महाभारत गाउपालिका वडा नं. ५ का ४९ वर्षीय आइतेबहादुर बहादुर ठाडामगर पक्राउ परेका थिए ।
पक्राउपछि उनको भनाइको आधारमा मकवानपुर भिमफेदी गाउपालिका वडा नं. ९ का ४१ वर्षीय ऐक्ला भन्ने राज कुमार तामाङ र कैलाश गाउपालिका वडा नं. १० बस्ने ३६ वर्षीय सविन भन्ने सुबिन रुम्बालाई पनि नियन्त्रणमा लिएर अनुसन्धान अघि बढाइएको जिल्ला प्रहरी कार्यालय मकवानपुरले जनाएको छ ।
