लमजुङलाई केन्द्र बनाएर बिहानै भूकम्प
प्रकाशित मिति : 19 May, 2021 6:55 am
काठमाडौं । लमजुङलाई केन्द्र बनाएर आज बिहानै भूकम्प गएको छ।
लमजुङको भुलभुले, बाँझाखेत आसपास केन्द्र रहेर बिहान ५ बजेर ४२ मिनेटमा ५.८ म्याग्निच्युडको भूकम्प गएको राष्ट्रिय भूकम्प मापन तथा अनुसन्धान केन्द्रले जनाएको छ ।
भूकम्पको धक्का काठमाडौं,गोरखा, तनहुँ, धादिङ, दाङ, रोल्पा,सल्यान कास्कीलगायत जिल्लामा समेत महसुस गरिएको थियो । भूकम्पले लमजुङमा केही क्षति पुराएको प्रारम्भिक जानकारी आएको छ ।
लमजुङका प्रमुख जिल्ला अधिकारी होमप्रसाद लुइँटेलले भुलभुलेमा घरको गारो भत्किएर एक जना वृद्धा घाइते भएको बताएका छन् । क्षतिको पूर्ण विवरण भने आइसकेको छैन ।
