काठमाडौंबाट रुकुम पश्चिम जाँदै गरेको बस दुर्घटना,कम्तिमा ४ जनाको मृत्यु

काठमाडौं । काठमाडौंबाट रुकुम पश्चिम जाँदै गरेको बस पूर्वपश्चिम राजमार्ग अन्तरगत बर्दघाट दाउन्ने दुर्घटना हुँदा कम्तिमा ४ जनाको मृत्यु भएको छ ।

पश्चिम नवलपरासीका प्रमुख जिल्ला अधिकारी धम्रेन्द्र मिश्रले दुर्घटनामा अहिलेसम्म ४ जनाको मृत्यु भएको जानकारी दिए । उद्धार कार्य जारी रहेको उनको भनाई छ ।

काठमाडौंबाट रुकुमको लागि छुटेको ना ५ ख २७१३ नम्बरको बस बर्दघाट नगरपालिकामा पर्ने दाउन्नेको खुर्सानी खोलामा दुर्घटना भएको  हो ।

दुर्घटनामा परि घाईते भएकाहरुको उद्धारका लागि जिल्ला प्रहरी कार्यालय पश्चिम नवलपरासीका प्रहरी उपरीक्षक अजय केसी र ईलाका प्रहरी कार्यालय बर्दघाटको टोली खटिएको छ । घाइतेको पूर्व विवरण प्राप्त हुन सकेको छैन ।