८,१७३ जना कोरोना संक्रमित थपिदा ७,९८९ जना निको,२४६ जनाको मृत्यु

काठमाडौं । नेपालमा पछिल्लो २४ घण्टामा थप ८,१७३ जनामा कोरोनाभाइरस संक्रमण पुष्टि भएको भने ७,९८९ जना निको भएका छन् ।

मृतकको संख्या भने बढेको छ । कोरोना संक्रमित थप २४६ जनाको मृत्यु भएको स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले जानकारी दिए ।

आज प्रेस ब्रिफिङमार्फत डा. गौतमले काठमाडौं उपत्यकामा थप २,४८६ जनामा कोरोना भाइरसका संक्रमित थपिएको जानकारी दिए ।

त्यसमध्ये काठमाडौंका १९८८, ललितपुरका २७० र भक्तपुरका २२८ जना छन्। काठमाडौं उपत्यकामा ४ हजारभन्दा माथिसम्मपनि कोरोना संक्रमित भेटिने गरेको थियो ।