ट्याक्टर दुर्घटना १ जनाको मृत्यु,२ जना घाइते

खोटाङ । खोटाङको दिक्तेल रुपाकोट मझुवागढी नगरपालिका-६ मा आज बिहान भएको ट्याक्टर दुर्घटनामा १ जनाको मृत्यु भएको छ भने २ जना घाइते भएका छन् ।

सडक निर्माणको लागी मिक्स्चर बोकेर जाँदै गरेको प्रदेश नं.१-०२-००३ त ०२८० नम्बरको ट्याक्टर आज बिहान पौने ९ बजेतिर सडकबाट खस्दा ट्याक्टरमा रहेका खोटाङ रावावेशी-४ का २५ वर्षीय नेत्र बहादुर गुरुङको घटनास्थलमा नै मृत्यु भएको जिल्ला प्रहरी कार्यालय खोटाङले जनाएको छ ।

दुर्घटनामा ट्याक्टरका चालक र सह-चालक घाईते भएका छन् । घाईतेहरुलाई उपचारको लागी जिल्ला अस्पताल खोटाङ पठाईएको प्रहरीले जनाएको छ ।