बाबुराम भट्टराईले भने,‘लौरो उभ्याएर भए पनि वैकल्पिक सरकार दिउँ ! आजै गरौं,अहिल्यै गरौं’
काठमाडौं । जनता समाजवादी पार्टीको संघीय परिषद् अध्यक्ष डा. बाबुराम भट्टराईले वैकल्पिक सरकारका लागि सबैलाई आग्रह गरेका छन् ।
राष्ट्रपति भण्डारीले नेपालको संविधानको धारा ७६ को उपधारा (५) बमोजिम प्रधानमन्त्री नियुक्तिका लागि दाबी गर्न आज बेलुकी ५ बजेसम्मको समय दिएपछि पूर्वप्रधानमन्त्री समेत रहेका भट्टराईले वैकल्पिक सरकार दिन नसके इतिहासले धिक्कार्ने बताएका छन् ।
सामाजिक सञ्जालमा लेख्दै उनले भनेका छन्, लौरो उभ्याएर भए पनि ७६(५)को वैकल्पिक सरकार दिउँ ! आजै गरौं,अहिल्यै गरौं !”
संसद,संविधान,लोकतन्त्रको रक्षा आजको अहं प्रश्न हो!जे गरेर रक्षा हुन्छ त्यही गरौं।सबैले आवस्यक त्याग/बलिदान गरौं।लौरो उभ्याएर भए पनि७६(५)को वैकल्पिक सरकार दिऊॅ!आजै गरौं,अहिल्यै गरौं! बिपी/पिएलदेखि हाम्रो पुस्तासम्मले लडेर ल्याएको संविधान/लोकतन्त्रको रक्षा नभए इतिहासले धिक्कार्नेछ!
— Baburam Bhattarai (@brb1954) May 21, 2021
उनले संसद,संविधान,लोकतन्त्रको रक्षा आजको अहं प्रश्न भएको भन्दै जे गरेर रक्षा हुन्छ त्यही गर्न र आवश्यक त्याग र बलिदान गर्नुपर्नेमा जोड दिएका छन् ।
