रुपन्देहीमा कोरोना संक्रमितको संख्या घट्दो,पछिल्लो २४ घण्टामा १६७ जना संक्रमित थपिए
प्रकाशित मिति : 22 May, 2021 4:57 pm
रुपन्देही । रुपन्देहीमा १६७ जना संक्रमित थपिएका छन् । पछिल्लो २६ घण्टामा ६४० जनामा परीक्षण गर्दा १६७ जना संक्रमित थपिएको स्वास्थ्य कार्यालय रुपन्देहीले जनाएको छ ।
यस्तै पछिल्लो २४ घण्टामा २ जनाको मृत्यु भएको छ । रुपन्देहीमा पछिल्लो समय कोरोना संक्रमितको संख्या घट्दै गएको देखिएको छ । यद्यपी पछिल्लो २४ घण्टामा ६४० जनामा मात्रै परीक्षण भएको छ ।
नयाँ थपिएसँगै रुपन्देहीमा सक्रिय संक्रमितको संख्या ५१९४ रहेको छ । जसमध्य ४८५८ जना होम आइसोलेसनमै रहेका छन् ।
