रोल्पामा थप ३५ जनामा कोरोना संक्रमणको पुष्टि, संक्रमितको संख्या ७ सय पार
प्रकाशित मिति : 23 May, 2021 3:52 pm
रोल्पा । रोल्पामा पछिल्लो २४ घण्टामा ३५ जना कोरोना संक्रमित थपिएको छ ।
जिल्ला प्रशासन कार्यालयले सार्वजनिक गरेको तथ्याङ्क अनुसार थप ३५ जनामा कोरोना संक्रमित थपिएका हुन् । यसँगै रोल्पामा सक्रिय कोरोना संक्रमितको संख्या ७ सय पार गरेको छ ।
जिल्ला प्रशासन कार्यालयका अनुसार आज थपिएका संक्रमित सहित रोल्पामा कोरोना संक्रमितको संख्या ७१३ पुगेको छ । कोरोना संक्रमणको पहिलो चरणमा २४८ जनामा मात्रै कोरोना संक्रमित भएको तथ्याङ्क छ ।
