बर्दियामा हात्तीको आक्रमणबाट आमा छोरीको मृत्यु

बर्दिया । बर्दियामा हात्तीको आक्रमणबाट आमा छोरीको मृत्यु भएको छ ।

गएराति हात्तीको आक्रमणबाट बर्दिया गेरुवा गाउँपालिका वडा नं. १ सरखोल खचकपुर बस्ने बर्ष ३७ की चन्द्रा बि.क.र उनकी ३ वर्षीया छोरी दिपिकाको मृत्यु भएको हो ।

आफ्नै घरमा बसिरहेका बेला बर्दिया राष्ट्रिय निकिञ्जबाट गएको दुई वटा जंगली हात्तीले दुबै जनालाई आक्रमण गरेको थियो । जिल्ला प्रहरी कार्यालय बर्दियाका अनुसार हात्तिले दुबै जनालाई सुँडमा उठाई घरबाट अन्दाजी ३० मिटर टाढा लगेको थियो ।

बर्दिया प्रहरीका अनुसार आमा चन्द्राको घटनास्थलमै मृत्यू भएको र छोरी दिपिकाको उपचारका क्रममा निधन भएको हो ।