रुपन्देहीका कोरोना संक्रमितको संख्या धेरैपछि २ सयभन्दा कम,११२ जना नयाँ संक्रमित थपिए
रुपन्देही । रुपन्देहीका कोरोना संक्रमितको संख्या धेरैपछि २ सयभन्दा कममा झरेको छ ।
स्वास्थ्य कार्यालय रुपन्देहीले सार्वजनिक गरेको पछिल्लो २४ घण्टाको तथ्याङ्क अनुसार १४४३ जनामा परीक्षण गर्दा ११२ जनामा कोरोना संक्रमणको पुष्टि भएको हो ।
कोरोनाको दोस्रो लहरका क्रममा संक्रमितको संख्या ९ सयसम्म पुगेको रुपन्देहीमा जेठ ८ गते १ सय ६७ जना संक्रमित भेटिएका थिए त्यसछि आज २ सय भन्दा कम संक्रमित देखिएका हुन् । संक्रमित मध्ये ३ स्थानीय तहमा मात्रै दोहोरो अंकका संक्रमित छन् ।
स्वास्थ्य कार्यालयको तथ्याङ्क अनुसार बुटवल उपमहानगरपालिकामा २७, सिद्धार्थ नगरपालिकामा २०, तिलोत्तमा नगरपालिकामा ३१ जना संक्रमित थपिएका छन् ।
पछिल्लो २४ घण्टामा २ जना र यसभन्दा अघि छुटेको ७ गरि थप ९ जनाको निधन भएको छ । अब रुपन्देहीमा सक्रिय संक्रमितको संख्या ३५३० रहेको छ । रुपन्देहीमा कोरोना संक्रमितको पछिल्लो विवरण :
