रोल्पा माडी गाउँपालिकाको भोटेखोला लिफ्टिङ खानेपानी आयोजना सुरु
प्रकाशित मिति : 28 May, 2021 11:01 am
रोल्पा । रोल्पाको माडी गाउँपालिका वडा नम्बर २ मा रहेको भोटेखोला लिफ्टिङ खानेपानी आयोजना सुरु भएको छ ।
माडी गाउँपालिका वडा नम्बर २ मा रहेको उक्त लिफ्टिङ खानेपानीको गाउँपालिका अध्यक्ष नन्द बहादुर पुनमगरले हिजो शिलान्यास गरेका छन् । गाउँपालिका अध्यक्ष पुनले यसैबर्ष नै आयोजना सम्पन्न गर्ने गरि कामको शुरु गरिएको बताए ।
गाउँपालिकाको आर्थिक वर्ष २०७७/७८ को कुल २३ लाख बजेटबाट सोलार प्रणालीमार्फत लिफ्टिङ गरिने भएको हो ।
कार्यक्रममा वडा अध्यक्ष ललित घर्तिमगर,वडा सदस्यलगाएतको उपस्थिति रहेको थियो । उक्त लिफ्टिङ योजनाबाट भोटे,मसिनाका जनताको लागी एक घर एक धारा निर्माण गर्ने भएको छ ।
