रोल्पामा थपिए ६६ जना कोरोना संक्रमित,सक्रिय संक्रमितको संख्या ८०३

रोल्पा । रोल्पामा ६६ जना कोरोना संक्रमित थपिएका छन् ।

जिल्ला प्रशासन कार्यालयले सार्वजनिक गरेको पछिल्लो २४ घण्टाको विवरण अनुसार जिल्ला भर परीक्षणका क्रममा ६६ जना संक्रमित थपिएका हुन् । यससँगै रोल्पामा सक्रिय कोरोना संक्रमितको संख्या ८०३ रहेको छ ।

कोरोनाको दोस्रो लहर सुरु भएपछि रोल्पामा ११ जनाको मृत्यु भएको छ भने ३३८ जना निको भएका छन् । संक्रमित मध्य ६९७ जना होम आइसोलेसनमा छन् भने रोल्पा अस्पतालको आइसोलेसनमा ४३ जना रहेका छन् ।

रोल्पामा अहिलेसम्म १५४ अक्सिजन सिलिण्डर उपलब्ध रहेको जिल्ला प्रशासन कार्यालयले जनाएको छ ।