रोल्पामा ९५ जना कोरोना संक्रमित थपिए,१ जनाको मृत्यु

रोल्पा । रोल्पामा ९५ जना कोरोना संक्रमित थपिएका छन् भने १ जनाको मृत्यु भएको छ ।

जिल्ला प्रशासन कार्यालय रोल्पाका अनुसार आज रोल्पा अस्पतालमा सुनिलस्मृति गाउँपालिका वडा नम्बर –६ पानीपोखराका ६६ वर्षीय पुरुषको निधन भएको ।

रोल्पा अस्पतालका सूचना अधिकारी कुलबहादुर डाँगीले १५ दिन होम आइसोलेसनमा बसेर हिजो मात्रै अस्पताल भर्ना भएका पुरुषको आज निधन भएको जानकारी दिए । यससँगै रोल्पामा कोरोनाबाट ज्यान गुमाउनेको संख्या १२ पुगेको छ ।

यस्तै पछिल्लो २४ घण्टामा ५९ जना कोरोना संक्रमण मुक्त भएका छन् । जिल्लामा अब सक्रिय कोरोना संक्रमितको संख्या ८३८ रहेको छ । संक्रमित मध्य ७३० जना होम आइसोलसेनमा रहेको प्रमुख जिल्ला अधिकारी नवराज सापकोटाले जानकारी दिए ।