२०८८ सालसम्म पेट्रोलियम पदार्थबाट चल्ने सवारी साधन विस्थापन गरिने
प्रकाशित मिति : 29 May, 2021 5:39 pm
काठमाडौं । सरकारले वि.सं. २०८८ साल सम्म पेट्रोलियम पदार्थबाट चल्ने हलुका सवारी साधनको विस्थापन गर्ने भएको छ ।
आर्थिक वर्ष ०७८/०८९ सालको बजेट सार्वजनिक गर्दै अर्थमन्त्री विष्णु पौडेलले २०८८ सम्म विद्युती सवारी साधनले पेट्रोलबाट चल्ने सवारी साधन विस्थापित गर्ने गरी रणनीतिक योजना तर्जुमा गरिने बताएका हुन् ।
त्यस्तो कार्यक्रम कार्यान्वयनमा ल्याउँदा आवश्यक नीति, छुट तथा अन्य सुविधाको निक्र्यौल गर्न विज्ञसहितको कार्यदल गठन हुने पौडेलले जानकारी दिए ।
यस्तै, उनले पेट्रोलियम पदार्थबाट चल्ने सवारी साधनलाई विद्युतीयमा रुपान्तरण गर्नेहरुका लागि केही छुटको अफर समेत सार्वजनिक गरेका छन् । जसअनुसार ५ वर्षसम्मको नवीकरण शुल्क मिहना, सडक मर्मत तथा सम्भार दस्तुर समेत लिइनेछैन ।
