अछामको बयलपाटा अस्पताललाई एनआरएन अफ्रिकाको अक्सिजन सहयोग
काठमाडौं । अछामको बयालपाटा अस्पताल लाई एनआरएनए अफ्रिकाको सहयोगमा थप १० थान अक्सिजन सिलिन्डर हस्तान्तरण गरिएको छ ।
एनआरएनए अफ्रिकाको नेपालमा तत्काल अक्सिजन सहयोग अभियान अन्तर्गत संघको र दाताहरूको तर्फबाट स्थानीय समाजसेवी, जिल्ला विकास समिति अछामका पूर्व सभापति, नेपाली कांग्रेस अछामका सभापति भरतकुमार स्वारले १० थान अक्सिजन सिलिन्डर बयालपाटा अस्पतालका प्रमुख डाक्टर मन्दिप पाठकलाई आज हस्तान्तरण गरेका हुन् ।
यस अघि उक्त अस्पताललाई १० थान र जिल्ला अस्पताल मङ्गलसेनलाई २० थान गरि अछाममा ४० थान अक्सिजन सिलिन्डर हस्तान्तरण गरिएको थियो ।
संघको यो अभियानले देशका ११ जिल्लाका २६ अस्पताल र स्वास्थ्य केन्द्रमा १२५ थान अक्सिजन सिलिन्डर (खरिद सहित ), १०२५ रिफिल अक्सिजन सिलिन्डर र स्वास्थ्य सामाग्री हरु गरि ३५ लाख भन्दा बढीको सहयोग अस्पताल र स्वास्थ्यकेन्द्रहरूमा हस्तान्तरण गरि सकेको छ ।
संघको अफ्रिकाका राष्ट्रिय समन्वय समितिहरूले यो अभियानमा सहयोग पु¥याउने एनआरएनए अभियन्ता , सामाजसेवी संघ , संस्था र अभियन्ताहरू, धनगढी स्थित ह्युमानिटी फाउन्डेसन, युगान्डाको रुपारेलिया फाउन्डेसन लगायत सम्पूर्ण सहयोगी शुभचिन्तकहरूमा आभार व्यक्त गरेको छ ।
