रोल्पामा फेरि ८८ जना कोरोना संक्रमित थपिए
प्रकाशित मिति : 4 June, 2021 4:10 pm
रोल्पा । रोल्पामा एकैदिन ८८ जना कोरोना संक्रमित थपिएका छन् ।
पछिल्ला केहीदिनमा संक्रमितको संख्यामा कमी भएपछि पछिल्लो २४ घण्टामा ८८ जनामा कोरोना संक्रमणको पुष्टि भएको हो । यससँगै रोल्पामा सक्रिय कोरोना संक्रमितको संख्या ७७३ पुगेको छ । त्यस्तै पछिल्लो २४ घण्टामा ७९ जना निको भएको प्रमुख जिल्ला अधिकारी नवराज सापकोटाले जानकारी दिए ।
रोल्पामा कोरोनाको दोस्रो लहर फैलिएपछि १६ जनाको ज्यान गइसकेको छ भने अहिलेसम्म ६३२ जना निको भएका छन् ।
