प्रदेश ३ को राजधानी हेटौडा तय
प्रकाशित मिति : 12 January, 2020 3:47 pm
काठमाडाैं, २७ पुस ।
प्रदेश ३ काे राजधानी हेटाैडा तय भएकाे छ । तर्क, वितर्क र बहसकाबीच मकवानपुर जिल्लाकाे हेटौंडालाई प्रदेश नम्बर ३ को राजधानी घोषणा गरिएको हाे ।
प्रदेश ३ का सभामुख सानुकुमार श्रेष्ठले हेटौंडालाई प्रदेशको राजधानी घोषणा गर्नु भएकाे छ । आइतबार बसेको प्रदेशसभा बैठकले यसअघि अस्थायी राजधानीसमेत रहेकाे हेटाैडालाइ नै स्थायी राजधानी बनाउने निर्णय गरेकाे हाे ।
प्रदेश ३ को राजधानी मकवानपुरको हेटौडा तोकियोस् भन्ने प्रस्तावको पक्षमा एक सय पाँच र विपक्षमा तीन मत परेकाे थियाे । यससँगै अब प्रदेश ३ काे राजधानी हेटाैडा र नाम बागमति प्रदेश तय भएकाे छ ।
राजधानी काभ्रेकाे धुलिखेलमा राख्नु पर्ने माग उठेकाे थियाे ।
