रोल्पामा एकैदिन १२७ जना कोरोना संक्रमित थपिए
प्रकाशित मिति : 8 June, 2021 3:50 pm
रोल्पा । रोल्पामा एकैदिन १२७ जना कोरोना संक्रमित थपिएका छन् ।
पछिल्लो २४ घण्टामा रोल्पामा १२७ जना कोरोना संक्रमित थपिएको प्रमुख जिल्ला अधिकारी नवराज सापकोटाले जानकारी दिए । रोल्पामा केही समय कोरोना संक्रमण घटेको देखिएपनि पछिल्लो समय कोरोना संक्रमितको संख्या बढेको छ ।
यस्तै पछिल्लो २४ घण्टामा नै १४० जना कोरोना संक्रमित निको भएका छन् ।
अब रोल्पामा सक्रिय कोरोना संक्रमितको संख्या ८६१ रहेको छ । रोल्पामा कोरोनाको पहिलो लहरमा ५ जनाकाको मृत्यु भएको थियो भने दोस्रो लहरमा १७ जनाले ज्यान गुमाइसकेका छन् । संक्रमित मध्य ७४० जना होम आइसोलेसनमा छन् ।
