अर्घाखाँचीमा ३ जना कोरोना संक्रमितको मृत्यु, थप ३२ जनामा संक्रमणको पुष्टि

अर्घाखाँची । अर्घाखाँचीमा कोरोना संक्रमणबाट थप ३ जनाको मृत्यु भएको छ भने ३२ जना नयाँ संक्रमित थपिएका छन् ।

पछिल्लो २४ घण्टामा सन्धिखर्क नगरपालिकाका १, भुमिकास्थानका १ र छत्रदेव गाउँपलिकाका १ जनाको मृत्यु भएको हो । योसँगै अर्घाखाँचीमा कोरोनाबाट ज्यान गुमाउनेको संख्या ६१ पुगेको छ ।

यस्तै नयाँ थपिएका संक्रमित मध्य पाणिनी गाउँपालिकामा १३ जना, शितगंगा नरपालिकाका १०, सन्धीखर्क नगरपालिकाका ४ जना, भुमिकास्थान नगरपालिकाका १ जना, मालारानी गाँउपालिकामा २ जना र छत्रदेव गाउँपालिकामा २ जना सक्रंमित थपिएको जिल्ला प्रशासन कार्यालय अर्घाखाँचीले जनाएको छ ।

यससंगै अर्घाखाँचीमा सक्रिय संक्रमितको संख्या ३३८ रहेको छ ।