अर्घाखाँचीमा जिप दुर्घटना हुँदा चालकको मृत्यु
प्रकाशित मिति : 10 June, 2021 4:00 pm
अर्घाखाँची । अर्घाखाँचीमा जिप दुर्घटना हुँदा १ जनाको मृत्यु भएको छ ।
भुमिकास्थान नगरपालिकाको ढिकुराबाट डेभातर्फ जाँदै गरेको लु १ च ६१६८ नम्बरको जिप भुमिकास्थान ९ तारिकेमा दुर्घटना हुँदा १ जनाको घटनास्थलमै मृत्यु भएको हो ।
दुर्घटनामा भुमिकास्थान -९ का गाडी चालक अन्दाजी २९ वर्षीय रामबहादुर नेपालीको मृत्यु भएको स्थानीय माधव घिमिरेले जानकारी दिए। गाडीमा चालक मात्र रहेको र सडकबाट करिब ५० मिटर तल खसेको उनको भनाई छ ।
