लुम्बिनी प्रदेश सरकारको नीति तथा कार्यक्रम बहुमतले पारित
प्रकाशित मिति : 13 June, 2021 2:40 pm
काठमाडौं । लुम्बिनी प्रदेश सरकारको नीति तथा कार्यक्रम बहुमतले पारित भएको छ ।
आज बसेको बैठकबाट प्रदेश सरकारले पेश गरेको नीति तथा कार्यक्रम बहुमतले पारित गरेको हो ।
प्रदेश सरकारको तर्फबाट लुम्बिनी प्रदेश प्रमुख धर्मनाथ यादवले जेठ २५ गते प्रदेश सभामा नीति तथा कार्यक्रम पेश गरेका थिए ।
विपक्षीले मुख्यमन्त्री शंकर पोखरेल नेतृत्वको सरकार अल्पमतमा रहेको भन्दै नीति तथा कार्यक्रम र बजेट ल्याउने नैतिक हैसियत नरहेको दाबी गर्दै आएका थिए । तर नीति तथा कार्यक्रम पारित गरेपछि सत्तापक्षको मनोबल बढेको छ ।
