कोरोना परीक्षण घटेसँगै कोरोना संक्रमितको संख्यापनि कम,२,४०७ नयाँ संक्रमित थपिए

काठमाडौं । कोभिड-१९ को परीक्षण गर्नेहरुको संख्या घटेसँगै कोरोना संक्रमितको संख्या पनि घटेको छ ।

स्वास्थ्य तथा जनसंख्या मन्त्रालयको नियमित पत्रकार सम्मेलनमा प्रवक्ता डा. कृष्ण पौडेलले पछिल्लो २४ घण्टामा १२,४०६ जनाको मात्रै कोरोना परीक्षण भएको जानकारी दिए ।

परीक्षण गराएका मध्ये २,४०७ जनामा संक्रमण पुष्टि भएको छ । प्रवक्ता पौडेलका अनुसार ‘परीक्षण गर्न हिच्किचाएको दाबी गर्दै क्षमताभन्दा आधाले मात्रै परीक्षण गराएको बताए । त्यस्तै गत २४ घण्टामा ३,९९४ जना निको भएका छन् । अहिलेसम्म निको हुनेको संख्या ५३,११०५ रहेको छ ।

गत २४ घण्टामा ४६ जना कोरोना संक्रमितको मृत्यु भएको स्वास्थ्य तथा जनसंख्या मन्त्रालयले जनाएको छ ।

५ सय भन्दा बढी सक्रिय संक्रमित भएका जिल्ला ४४ वटा छन् भने देशभर सक्रिय संक्रमितको संख्या ६८,९५५ जना रहेको प्रवक्ता पौडेलले जानकारी दिए ।