देशभर थप ५३ जना कोरोना संक्रमितको मृत्यु, २,९१८ जनामा संक्रमणको पुष्टि

काठमाडौं । देशभर पछिल्लो २४ घण्टामा कोरोना संक्रमित ५३ जनाको मृत्यु भएको छ भने २,९१८ जनामा थप कोरोना संक्रमणको पुष्टि भएको छ ।

स्वास्थ्य तथा जनसंख्या मन्त्रालयले सार्वजनिक गरेको तथ्याङ्क अनुसार १४,८१९ जनामा गरिएको परीक्षणमा २,९१८ जनामा संक्रमणको पुष्टि भएको हो ।

५,१४७ जना निको भएका छन् । पछिल्लो समय कोरोना परीक्षण गराउने घटेसँगै कोरोना संक्रमितको संख्यापनि घट्दै गएको छ । कोरोना संक्रमणबाट मुक्त हुनेको संख्या भने बढ्दै गएको छ । कोरोना निको हुने दर ८७.८ प्रतिशत पुगको छ ।

अहिलेसम्म कोरोनाबाट ८४६५ जनाको ज्यान गएको छ ।