नक्कली डिएसपी पक्राउ

काठमाडौं । महानगरीय अपराध महाशाखाले नक्कली डिएसपीलाई पक्राउ गरेको छ ।

आफूलाई नेपाल प्रहरीको मेडिकल प्रहरी नायब उपरीक्षक(डिएसपी) भन्दै ठग्दै आएको आरोपमा काठमाडौं तारकेश्वर नगरपालिका वडा नम्बर-८ जरङगूका कृष्णप्रसाद ढुंगाना पक्राउ परेका हुन् ।

उनले डिएसपीको पोशाक लगाएर नपाएको ओहोदा र पदवी पाएको भन्दै भ्रम सिर्जना गर्दै आएको खुलेको प्रहरीले जनाएको छ । उनलाई तारकेश्वर नगरपालिका वडा नं. ६ मै आफैले सञ्चालन गरेको भिक्टोरिया फार्मेसीबाट पक्राउ गरिएको महाशाखाले जनाएको छ ।

उनले नेपाल प्रहरीलाई सशस्त्रको डिएसपी र सशस्त्र प्रहरीलाई नेपाल प्रहरीको डिएसपी भन्दै ठगेको प्रहरीको भनाई छ । उनले फेसबुकको फ्रोपाइलमै डिएसपीको पोशाकसहितको फोटो राखेका थिए ।