दाङमा बन्चरो प्रहार गरी श्रीमतीको हत्या

दाङ । दाङको घोराहीमा बञ्चरो प्रहार गरी श्रीमान्ले श्रीमतीको हत्या गरेका छन् ।

घोराही उपमहानगरपालिका–३ बेलुवा निवासी ५७ वर्षीय मुकुन्दलाल चौधरीले बञ्चरो प्रहार गरी ४६ वर्षीया स्यानाकुमारी चौधरीको हत्या गरेको जिल्ला प्रहरी प्रवक्ता प्रहरी नायब उपरीक्षक (डिएसपी) मुकुन्दप्रसाद रिजालले जानकारी दिए ।

सामान्य घरायसी विवादका कारण बुधबार बेलुका पौने ६ बजेतिर मुकुन्दलालले श्रीमतीलाई बञ्चरो प्रहार गरेका थिए ।

गरी घाइते भएकी स्यानाकुमारीको मेडिकल कलेज कोहलपुरमा उपचारका क्रममा हिजो मृत्यु भएको प्रहरी प्रवक्ता रिजालले जानकारी    दिए । आरोपित मुकुन्दलाललाई प्रहरीले नियन्त्रणमा लिएको उनले बताए ।