टेलिकमको सिस्टम फेल हुँदा २ करोड ग्राहक प्रभावित
काठमाडौं । बुधबार बिहानैबाट नेपाल टेलिकमको जीएसएम फोनको सिस्टम फेल हुँदा देशभरिका करिब २ करोड ग्राहक प्रभावित भएका छन् । बुधबार बिहानैबाट टेलिकमका प्रिपेड र पोस्टपेड ग्राहकहरूले आफ्नो फोनमा टावर नदेखाउने, टावर देखाए पनि फोन नलाग्ने समस्या झेलेका थिए ।
टेलिकमका प्रबन्ध निर्देशक डिल्लीराम अधिकारीले प्रणालीमा समस्या देखिएको र प्राविधिकहरू बनाउनमा खटिएको भन्दै ग्राहकहरूसँग माफी मागेका छन् । बिहान ६ बजेदेखि देखिएको समस्या साढे ८ बजेपछि मात्र सुल्झिएको टेलिकमका अधिकारीहरूले बताएका छन् ।
Due to technical problems in core network, GSM voice network has not been working, technical team is working on it and will be functional ASAP. We apologize for the inconvenience caused to our valuable customers. Nepal Telecom,@ndcl_nt
— Dilli Adhikari (@dr4955) June 23, 2021
नेपाल दूरसञ्चार प्राधिकरणका अनुसार नेपाल टेलिकमका १ करोड ९२ लाख १४ हजार जीएसमएम प्रविधिको मोबाइल प्रयोगकर्ता छन् भने कुल ग्राहक २ करोड १७ लाख छन् । गत वर्षको लकडाउनदेखि यतामात्रै टेलिकमका ग्राहकहरूको संख्या २१ लाख ५ हजार ५९९ ले वृद्धि भएको प्राधिकरणको तथ्यांकमा उल्लेख छ । यही अवधिमा एनसेलका ग्राकह भने ६ लाख ४४ हजार ९८८ ले घटेका छन् ।
