रोल्पामा उत्कृष्ट किसानहरू सम्मानित
रोल्पा । रोल्पाको सुनिलस्मृति गाउँपालिकाले राष्ट्रिय धान दिवसका अवसरमा उत्कृष्ट कृषकलाई सम्मान गरेको छ ।
आज गाउँपालिका भित्रका ११ जना उत्कृष्ट कृषकलाई सम्मान गरिएको हो ।
सम्मानित हुनेमा तरकारी खेतीमा वडा नं ६ का इन्द्र बहादुर थापा, बाख्रा पालनमा वडा नं ४ नेत्र बहादुर महरा, तरकारी खेतीमा वडा नं ७ का टेक बहादुर पुन, खाद्यान्नबाली (मास खेती)मा वडा नं २ का गिरीराज गिरी, च्याउ खेतिमा वडा नं ३ का भुन्टे विष्ट, फलफुल खेतीमा वडा नं ५ का टुक बहादुर खत्रीले प्रथम भएर सम्मानित भएका छन् ।
बङ्गुर पालनमा वडा नं ४ का नमराज घर्तीमगर, तरकारी खेतीमा वडा नं ४ का रुपलाल महरा, च्याउ खेतीमा वडा नं ४ का कुमारी पुनमगर, तरकारी खेतीमा वडा नं ८ का गिर बहादुर घर्तीमगर र बाख्रापालनमा वडा नं ६ का रुद्र बहादुर थापा दोस्रो भएर सम्मानित भएका छन् ।
उनीहरूलाई नगद, प्रमाणपत्र तथा खादाले सम्मान गरिएको छ । यस्तै आज वडा नं २ गोगनपानीमा १ दिने पशु स्वास्थ्य शिविर समेत सम्पन्न भएको छ ।
