देशभर २,८९२ जना कोरोना संक्रमित,४१ जनाको मृत्यु
प्रकाशित मिति : 30 June, 2021 4:47 pm
काठमाडौं । देशभर २,८९२ जना कोरोना संक्रमित थपिएका छन् भने ४१ जनाको मृत्यु भएको छ ।
स्वास्थ्य तथा जनसंख्या मन्त्रालयले सार्वजनिक गरेको पछिल्लो २४ घण्टाको तथ्याङ्क अनुसार ११,५६८ जनामा परीक्षण गर्दा २,८९२ जनामा संक्रमण देखिएको हो । ३,५९७ जना निको भएका छन् ।
मन्त्रालयका अनुसार अहिलेसम्म ९११२ जनाको मृत्यु भएको छ भने ५ लाख ९६ हजार १३२ जना निको भएका छन् । नेपालमा कोरोना संक्रमितको निको हुने दर ९३.३ प्रतिशत र मृत्यु दर १.५ प्रतिशत रहेको छ ।
