म्याग्दीमा जिप दुर्घटनामा दुई जनाको मृत्यु, ६ जना घाइते
प्रकाशित मिति : 1 July, 2021 7:50 am
म्याग्दी । म्याग्दीको मङ्गला गाउँपालिका–२ मिठौलामा हिजो बेलुकी भएको जीप दुर्घटनामा दुई जनाको मृत्यु भएको छ ।
सिमलचौरदेखि पूर्णगाउँतर्फ जाँदै गरेको ग १ ज ७६५२ नम्बरको जिप दुर्घटना हुँदा अन्य छ जना घाइते भएको जिल्ला प्रहरी कार्यालय म्याग्दीले जनाएको छ ।
प्रहरी नायब उपरीक्षक श्यामकुमार राईका अनुसार मृत्यु हुनेमा मङ्गला–१ पूर्णगाउँकी १९ वर्षीया सबिना भण्डारी र १५ वर्षका विमल विक रहेका छन् । घाइते र मृतक सबै मङ्गला गाउँपालिका–१ का भएको प्रहरीले जनाएको छ ।
अस्पतालमा १९ वर्षीय अनिल रसाइली, २५ वर्षीय सुदन आचार्य, २६ वर्षीया एञ्जिता भण्डारी, आठ वर्षीया अदिना नेपाली, ३५ वर्षीया गीता खत्री र २३ वर्षीया अमृता रसाइलीको उपचार भइरहेको छ ।
