५ माघ २०८१, शनिबार

कोरोनाको दोस्रो लहर फैलिएपछि बन्द आन्तरिक उडान आजदेखि सुरु,कुन एअरको कति उडान ?

प्रकाशित मिति :  1 July, 2021 9:09 am


काठमाडौं । कोरोनाको दोस्रो लहर फैलिएपछि बन्द आन्तरिक उडान आजदेखि सुरु भएको छ ।

त्रिभुवन बिमानस्थलका अनुसार आज बुद्ध एअरको ३१, यतीको १५, श्री एअरलाइन्सको ७, सौर्य एअरलाइन्सको ३, समिट एअरलाइन्सको २ र तारा एअरको १  उडान तालिका राखिएको छ ।

आज वर्षा जारी रहेपनि बिहान ९ बजेसम्म १० वटा उडान भइसकेको र भिजिविलिटी ३ किलोमिटर रहेको विमानस्थल कार्यालयले जनाएको छ ।

सरकारले आन्तरिकतर्फ कुल उडान संख्याको ५० प्रतिशतमा नबढ्ने गरी सञ्चालन गर्ने निर्णय गरेपछि आजदेखि उडान सुरु भएको हो ।
असार ७ गतेको मन्त्रिपरिषद् बैठकले आन्तरिक र अन्तराष्ट्रिय उडान खुल्ला गर्ने निर्णय गर्दै थप जिम्मा संस्कृति, पर्यटन तथा नागरिक उड्डयन मन्त्रालयलाई दिइएको थियो ।

कोरोना संक्रमण बढेपछि गत वैशाख २० गतेदेखि आन्तरिक उडान बन्द गरिएको थियो ।



प्रतिक्रिया दिनुहोस !