नारायणगढ–मुग्लिन सडकखण्ड फेरि अवरुद्ध, ट्रकमा पहिरो खस्यो

काठमाडौं । नारायणगढ–मुग्लिन सडकखण्ड फेरि अवरुद्ध भएको छ । इच्छाकामना गाउँपालिका–६ पाँचकिलो र चार किलोमा पहिरो जाँदा सडक अवरुद्ध भएको हो ।

जिल्ला प्रहरी कार्यालय चितवनले बिहान साढे ५ बजेतिर पहिरो खसेको जानकारी दिएको छ । पहिरो पन्छाउने काम शुरु भइसकेको प्रहरीले जनाएको छ । हिजो मात्रै विभिन्न स्थानमा पहिरो खस्दा सडक अवरुद्ध भएको थियो ।

इच्छाकामना गाउँपालिका वडा नम्बर ६ जलवीरे नजिकै जाममा रहेको ट्रकमाथि पहिरो खसेको छ । आज बिहान करिब ७ बजेतिर खसेको पहिरोले ट्रकको एक छेउ पुरेको छ।

पहिरोले नारायणघाटबाट मुग्लिनतर्फ सामान लिएर आउँदै गरेको ग १ ख ९९६१ नम्बरको ट्रकको आधा भाग पुरेको छ। पहिरोले यात्रुबहाक एक बसमा पनि क्षति पुर्‍याएको प्रहरीले जनाएको छ ।