बर्दियामा चालू आर्थिक वर्षमा २६ वटा लागुऔषधको मुद्दा दर्ता
बर्दिया । बर्दियामा यो आर्थिक वर्षमा २६ वटा लागुऔषधको मुद्दा दर्ता भएको छ ।
जिल्ला प्रहरी कार्यालय बर्दियाका अनुसार लागुऔषधसहित ३८ जना पक्राउ परेका छन् । यस्तै ४ किलो १५३ ग्राम गाँजा, ५ किलो ६९६ ग्राम चरेस, २६ किलो ५०० ग्राम अफिम, ५६ ग्राम ९१० मि.ग्रा ब्राउन सुगर, ७४८ गोटा ट्याब्लेट बरामद भएको प्रहरीले जनाएको छ ।
हिजो मात्रै बर्दियामा ब्राउन सुगरसहित एक जना पक्राउ परेका छन ।
मधुबन नगरपालिका वडा नम्बर ९ मा ३६ वर्षीय कमल शर्मा ब्राउन सुगरसहित पक्राउ परेका जिल्ला प्रहरी कार्यालय बर्दियाले जनाएको छ । शर्मा हिजो पक्राउ परेका हुन् ।
मधुबन–९ चोक नम्बर १२ सिर्जनशील टोलको हुलाकी सडक खण्डमा बस्ने शर्माबाट १० ग्राम ४२० मिलिग्राम ब्राउन सुगर बरामद गरिएको प्रहरीले जनाएको छ ।
ब्राउन सुगरको कारोबार भइरहेको सूचनाका आधारमा खटिएको प्रहरी टोलीले शर्मालाई पक्राउ गरेको हो ।
