लुम्बिनी प्रदेश सभाको अधिवेशन मध्यरातमा अन्त्य,अध्यादेशबाट बजेट ल्याउने तयारी
![](https://i0.wp.com/www.lumbinisanchar.com/wp-content/uploads/2020/10/Lumbini-logo-1.jpg?fit=1181%2C1181&ssl=1)
काठमाडौं । लुम्बिनी प्रदेश सभाको बजेट अधिवेशन अन्त्य भएको छ ।
बजेट पारित हुने सम्भावना नदेखेपछि मुख्यमन्त्री पोखरेल शंकर पोखरेलको सिफारिसमा प्रदेश प्रमुख धर्मनाथ यादवले गएराति अधिवेशन अन्त्य गरेका हुन् ।
हिजोको बैठकबाट बजेट पारित नहुने देखिएपछि सत्तापक्षले नै बजेटलाई अलपत्र पारेर बैठक बहिष्कार गरेको थियो । बैठक बहिष्कारपछि छलफलको वातावरण नबनेको भन्दै दुवै पक्षले प्रदेशसभा सचिवालयमा शुक्रबार १ बजेसम्मका लागि बैठक स्थगित गर्न आग्रह गरेका थिए ।
सचिवालयले सूचना टाँस गर्दै आज १ बजेसम्मका लागि बैठक स्थगित गरेको थियो । तर मध्यराती बजेट अधिवेशन अन्त्य भएको छ । लुम्बिनी प्रदेश सरकारले अध्यादेश मार्फत बजेट ल्याउने गरि छलफल सुरु गरेको छ ।
प्रदेश सरकारको आगामी वर्षको बजेट हिजो पारित गर्न नसकेपछि आजदेखि सुरु हुने नयाँ आर्थिक वर्षका सरकारी काम प्रभावित हुनेछन् । बजेट सम्बन्धि विधेयक पारित नभएसम्म सरकारी ढुकुटीबाट रकम खर्च गर्न मिल्दैन ।
त्यस्तै यातायात, मालपोतलगायतका राजस्व संकलन गर्ने कार्यालयमा आजदेखि कुनै काम हुन सक्ने छैन । यसँगै लुम्बिनी प्रदेश सरकार संकटमा परेको देखिएको छ ।