कर्मचारीमा कोरोना संक्रमण देखिएपछि अर्घाखाँची मालपोत कार्यालय एक हप्ताका लागि बन्द
प्रकाशित मिति : 21 July, 2021 8:22 am
अर्घाखाँची । कर्मचारीमा कोरोना संक्रमण देखिएपछि अर्घाखाँची मालपोत कार्यालय एक हप्ताका लागि बन्द गरिएको छ ।
कार्यालय प्रमुख सहित ४ जनामा कोरोना संक्रमण पुष्टि भएपछि साउन ११ गतेसम्मका लागि कार्यालय बन्द गरिएको हो ।
कार्यालय प्रमुख राजिव पन्थीले कर्मचारीमा कोरोना संक्रमण देखिएपछि कार्यालय बन्द गरिएको जानकारी दिए । अत्यावश्यक सेवा भने सञ्चालन हुने पन्थीको भनाई छ ।
